- ३१ असार २०८३, बुधबार / Jul 15, 2026
विराटनगरको परोपकार घाटमा अश्लील गतिविधि भएको आरोप
चार जना प्रहरीद्वारा पक्राउ
दुई जना पुरुष निर्वस्त्र अवस्थामा भेटिएको सूचना
दाहसंस्कार स्थलमा अभद्र व्यवहार भएको दाबी
जिल्ला प्रहरी कार्यालय मोरङले अनुसन्धान गरिरहेको
पक्राउ परेकामाथि थप कानुनी प्रक्रिया अघि बढाइँदै
विराटनगर, १० असार । विराटनगर महानगरपालिका–१ स्थित परोपकार घाटमा अश्लील हर्कत गरेको आरोपमा प्रहरीले चार जनालाई पक्राउ गरेको छ।
दाहसंस्कार गरिने पवित्र सार्वजनिक स्थलमा अभद्र व्यवहार गरेको भन्दै उनीहरूलाई नियन्त्रणमा लिइएको जिल्ला प्रहरी कार्यालय मोरङ ले जनाएको छ।
प्रहरीका अनुसार मंगलबार राति करिब १२:३० बजे घाट क्षेत्रमा केही व्यक्तिहरू भेला भई हो–हल्ला गरिरहेको र दुई जना पुरुष निर्वस्त्र अवस्थामा रहेको सूचना प्राप्त भएपछि प्रहरी टोली घटनास्थल पुगेको थियो। सोही सूचनाका आधारमा उनीहरूलाई नियन्त्रणमा लिइएको हो।
पक्राउ पर्नेहरूमा मोरङका सुरेन्द्र मणि मण्डल, सुनसरीका कैलाश ढुङ्गाना, भोजपुरका मनिष काफ्ले र मोरङका छविलाल घिमिरे रहेका छन्।
प्रहरी नायब उपरीक्षक मकेन्द्र कुमार मिश्र का अनुसार पक्राउ परेकामाथि थप अनुसन्धान भइरहेको छ।
