- ३० असार २०८३, मंगलवार / Jul 14, 2026
काठमाडौं, ६ बैशाख । डिभिजन सडक कार्यालय हेटौँडाले आइतबार बिहानैदेखि वीरगञ्ज क्षेत्रमा अतिक्रमित घरटहरा हटाउने अभियान सुरु गरेको छ ।
बिहान करिब ४:३० बजेदेखि सुरु गरिएको अभियानअन्तर्गत वीरगञ्जका गण्डक चोक, पावरहाउस, मुर्ली, घण्टाघर र मकालु होटल चोक लगायत ५ स्थानमा एकैसाथ डोजर चलाइएको छ । सडक फराकिलो बनाउने उद्देश्यले करिब १० वटा डोजर प्रयोग गरिएको जनाइएको छ ।
यसअघि अदालतको फैसला भए पनि अतिक्रमित संरचना हटाउने काम रोकिएको थियो । तर यसपटक वीरगञ्ज महानगरपालिका, नेपाल प्रहरी र सशस्त्र प्रहरी बल को सहयोगमा संयुक्त रूपमा अभियान सञ्चालन गरिएको हो ।
अभियानका लागि करिब २,२०० भन्दा बढी सुरक्षाकर्मी परिचालन गरिएको छ । सडक क्षेत्रको अतिक्रमण हटाउँदै यातायात सहज बनाउने र शहरी व्यवस्थापन सुधार गर्ने लक्ष्यसहित अभियान अघि बढाइएको जनाइएको छ ।
