- २० आश्विन २०८३, मंगलवार / Oct 6, 2026
काठमाडौं । झापाको भद्रपुर उडेको बुद्ध एयरको विमानमा प्राविधिक समस्या देखिएपछि काठमाडौं डाइभर्ट गरिएको छ । उडान नं ९५३ को कलसाइन नाइनएन–एजेएस विमानको दायाँ इन्जिनमा समस्या देखिएको बुद्ध एयरले जनाएको छ । त्यसपछि पाइलटले विमानलाई काठमाडौं डाइभर्ट गरेर सफल अवतरण गराएको बताइएको छ ।
विमान आधा समय उडान गरिसकेको अवस्थामा काठमाडौं फिर्ता गर्नु परेको हो । विमान ११ः१५ मा त्रिभुवन विमानस्थलमा सुरक्षित अवतरण भएको हो । प्राविधिक टोलीले विमानको जाँच गरिरहेको कम्पनीले जनाएको छ ।
यात्रुलाई अर्को विमानबाट भद्रपुर पठाउने तयारी गरिएको छ ।काठमाडौंबाट १०ः३८ मा उडेको विमानलाई अवतरणका दौरान त्रिभुवन विमानस्थलमा इमर्जेन्सी घोषणा गरिएको थियो । सोहीकारण विमानहरुलाई होल्ड गराउनु परेको विमानस्थल स्रोतले जनाएको छ ।
