- ६ कार्तिक २०८३, शुक्रबार / Oct 23, 2026
काठमाडौं, ३० बैशाख । सरकारले बुधबार बसेको मन्त्रिपरिषद् बैठकका मुख्य चार निर्णय सार्वजनिक गरेको छ। सरकारका प्रवक्ता तथा सञ्चार तथा सूचना प्रविधिमन्त्री विक्रम तिमिल्सिना ले बैठकले गरेका निर्णय सार्वजनिक गरेका हुन्।
मन्त्रिपरिषद् बैठकले नेपाल सरकार कार्यविभाजन नियमावली, २०८३ स्वीकृत गर्ने निर्णय गरेको छ। यस्तै, विद्युतीय सुशासन आयोग गठन तथा सञ्चालन आदेश, २०७९ मा संशोधन स्वीकृत गर्ने निर्णय पनि गरिएको छ।
त्यसैगरी सरकारी लगानी व्यवस्थापन समितिको सदस्यमा सुशील खड्का र योगेश गौचन थकाली लाई मनोनयन गर्ने निर्णय मन्त्रिपरिषद्ले गरेको छ। बैठकले भूमिसम्बन्धी २१ औं संशोधन नियमहरू, २०८३ लाई समेत स्वीकृति दिएको सरकारका प्रवक्ताले जानकारी दिएका छन्।
