- २१ श्रावण २०८३, बिहीबार / Aug 6, 2026
काठमाडौं । क्यानडाको एक संसदीय समितिको प्रतिवेदनले क्यानडाको लोकतन्त्रको लागि भारत दोस्रो ठूलो खतरा भएको दाबी गरिएको छ । पहिलो खतरामा चीनलाई राखिएको छ । प्रतिवेदनमा क्यानडाका प्रधानमन्त्री जस्टिन ट्रूडोले विदेशी हस्तक्षेपलाई गम्भीरताका साथ लिइएको बताएका छन् ।
नेसनल सिक्योरिटी एन्ड इन्टेलिजेन्स कमिटी अफ पार्लिमेन्टेरियनको प्रतिवेदनमा क्यानडाको लोकतन्त्रको लागि पहिलो खतरा चीन र दोस्रो भारतलाई देखाइएको हो । क्यानडाका प्रधानमन्त्री ट्रूडोले गत वर्ष खालिस्तानी हरदीप सिंह निज्जरको हत्यामा भारतको हात रहेको बताएपछि भारत र क्यानडाबीच सम्बन्ध बिग्रेको थियो ।
भारतलाई दोस्रो ठूलो खतरा उल्लेख गरिएको प्रतिवेदन यसै साता क्यानडाका संसद्मा प्रस्तुत गरिएको छ ।
