- २६ असार २०८३, शुक्रबार / Jul 10, 2026
काठमाडौँ, ११ फागुन । मिथिला क्षेत्रमा उदाउँदो सूर्यलाई अर्घ्य अर्पण गरेसँगै चैती छठ पर्व सम्पन्न भएको छ। चार दिनसम्म मनाइने यो पर्वको अन्तिम दिन आज बिहान व्रतालुहरूले छठघाटमा पुगी जलाशयमा प्रवेश गरेर सूर्यदेवलाई अर्घ्य दिएका हुन्।
यसअघि व्रतालुहरूले हिजो साँझ अस्ताउँदो सूर्यलाई अर्घ्य अर्पण गरेका थिए। नेपाल र भारतको मिथिला क्षेत्रमा आइतबार चतुर्थी तिथिदेखि विधिपूर्वक सुरु भएको चैती छठ पर्वअन्तर्गत पहिलो दिन ‘नहाँ खा’ र दोस्रो दिन ‘खरना’ सम्पन्न गरिएको थियो।
पारिवारिक सुख, शान्ति तथा समृद्धिको कामना गर्दै मनाइने यो पर्वमा श्रद्धालुहरू नदी, पोखरी, तलाउ तथा विभिन्न जलाशयमा भेला भएर पूजा–आराधना गर्ने परम्परा रहेको छ। चैती छठ पर्वको अवसरमा देशका विभिन्न स्थानका छठघाटहरूमा बिहानैदेखि भक्तजनको उल्लेखनीय उपस्थिति देखिएको थियो।
