भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

२५ वर्षदेखि आत्मसाक्षात्कारको यात्रामा चन्द्रहरि कायस्थ ‘श्रीहरि’

२५ वर्षदेखि आत्मसाक्षात्कारको यात्रामा चन्द्रहरि कायस्थ ‘श्रीहरि’

भक्तपुर, ३१ वैशाख। भक्तपुरको सूर्यविनायक नगरपालिका–१, सिरुटारका चन्द्रहरि कायस्थ विगत २५ वर्षदेखि आत्मसाक्षात्कार र आध्यात्मिक जागरणको अभियानमा समर्पित छन्। ‘श्रीहरि’ नामबाट चिनिने कायस्थले ‘श्रीहरि सेल्फ रियलाइजेसनल फाउन्डेशन’ स्थापना गरी आध्यात्मिक साधनाको माध्यमबाट हजारौं मानिसलाई जीवन रुपान्तरणको बाटो देखाउँदै आएका छन्।

बुधबार मध्यपुर थिमीमा आयोजित पत्रकार सम्मेलनमा उनले आफ्नो अभियानबारे जानकारी दिँदै सबैलाई ‘श्रीहरि आरोग्य साधना’ अभ्यासमा सहभागी हुन आग्रह गरे। उनले नौ दिन नौ रातसम्म पानीबाहेक केही पनि नखाई दैनिक १० देखि १४ किलोमिटरसम्म यात्रा गर्ने तपश्चर्या दुईपटक पूरा गरिसकेको जानकारी दिए। “शरीर, मन र आत्माको सन्तुलनमा आधारित यो साधना केवल अभ्यास होइन, जीवनशैली हो,” उनले भने।

श्रीहरि आरोग्य साधना एक आध्यात्मिक अभ्यास हो जसले तप (आत्मसंयम), सेवा (निस्वार्थ कर्म), सुमिरन (भगवान वा स्वयमको स्मरण) र समर्पण (पूर्ण आत्मसमर्पण) मा आधारित चार स्तम्भमार्फत साधकलाई स्वास्थ्य, शक्ति, आनन्द, ज्ञान र प्रेमको अनुभूतितर्फ डो-याउँने उनले बताए । 

आधुनिक जीवनशैलीले मानिसलाई बाह्य साधनहरूमा निर्भर बनाएको छ, जसले असन्तोष, रोग, तनाव र आध्यात्मिक रिक्तता बढाइरहेको श्रीहरिकाे तर्क छ । यो साधना त्यस्ता समस्याको समग्र समाधान हुनसक्ने उनको विश्वास छ।

श्रीहरि फाउन्डेशनले हालसम्म नेपाल, भारत, चीन, थाइल्याण्ड, जापान, युरोपलगायत ३० भन्दा बढी देशमा ३ लाखभन्दा बढी व्यक्तिलाई ध्यान, योग, कार्यशाला र सामुदायिक सेवामार्फत आत्मसाक्षात्कारको मार्गमा डो-याइसकेको जनाएको छ।

आगामी वर्ष (२०८२) को वार्षिकोत्सवको अवसरमा फाउन्डेशनले १० हजारभन्दा बढी व्यक्तिलाई प्रत्यक्ष रूपमा र १ लाखभन्दा बढीलाई अनलाइन योग–ध्यान सत्रमार्फत सेवा पुर्‍याउने लक्ष्य राखेको छ।

पत्रकार सम्मेलनमा श्रीहरिले सञ्चारकर्मीहरूप्रति आध्यात्मिक साधनाको सन्देश विश्वभर फैलाउन विशेष अनुरोध गर्दै भने, “तपाईंहरूको साथ र सञ्चार माध्यमको सहयोगमा हामी स्वस्थ, सशक्त र आनन्दमय समाज निर्माणतर्फ अघि बढ्न सक्छौं।”

 


Thali Mobile Pvt.Ltd.