- २ असार २०८३, मंगलवार / Jun 16, 2026
काठमाडौं । ललितपुरमा १६ वर्षीय बालकमा हैजा भेटिएको छ। शुक्रराज ट्रपिकल तथा सरुवारोग अस्पतालका निर्देशक डा. युवानिधि बसौलाले अस्पतालमा उपचाररत १६ वर्षीय बालकमा हैजा पुष्टि भएको जानकारी दिए।
राष्ट्रिय जनस्वास्थ्य प्रयोगशालामा जाँच गर्दा ललितपुरको गोदावरी नगरपालिका वडा नम्बर १४ ठैवको ठैवस्थित एक पुनर्स्थापना केन्द्र (रिह्याबिलिटेसन सेन्टर) बस्ने एक जनामा हैजा पुष्टि भएको हो।
सोही ठाउँबाट हैजाका लक्षण लिएर चार जना युवा आएकामा एक जनामा हैजा पुष्टि भएको र अर्को एक जनाको रिपोट कल्चरको लागि दिइएको डा. बसौलाले
जानकारी दिए । बाँकी दुई जना भने सोमबार राति अस्पतालबाट भागेका थिए ।
स्वास्थ्य तथा जनसङ्ख्या मन्त्रालयका प्रवक्ता डा.प्रकाश बुढाथोकीले हैजा अन्य ठाउँमा फैलन नदिन हैजा भेटिएको पुनर्स्थापना केन्द्रलाई सिल गरेर अनुसन्धान गर्न निर्देशन दिइसकेको बताए ।
