संविधान संशोधनको विपक्षी राजनीतिक दलहरूले संविधान नै राम्रोसँग पढेनन्ः शेखर कोइराला

काठमाडौं । नेपाली कांग्रेसका नेता शेखर कोइरालाले संविधान संशोधनको विपक्षमा रहेका राजनीतिक दलहरूले संविधान नै राम्रोसँग अध्ययन नगरेको बताएका छन् । मंगलबार काठमाडौंमा आयोजित एक कार्यक्रममा उनले संविधानमै हरेक १० वर्षमा संविधान संशोधन गर्नुपर्ने उल्लेख गरेको बताए । उनले संविधानमा भएका कमजोरीलाई सच्याउन आवश्यक रहेको बताए ।

उनले नेपाली कांग्रेस र नेकपा (एमाले)मिलेर बनेको सरकारको प्राथमिकतामा संविधान संशोधन, सुशासन र भ्रष्टाचार नियन्त्रण परेको बताउँदै खुसी व्यक्त गरे । राजनीतिक स्थायित्वका लागि भने निर्वाचन प्रणालीमा पुनर्विचार गर्नुपर्ने उनको भनाइ छ ।