- ७ असार २०८३, आईतवार / Jun 21, 2026
चितवन । भरतपुर महानगरपालिकाले पुङ्गी खोला मिचेर बनाइएका संरचना भत्काउन सुरु गरेको छ । नारायणगढको लायन्सचोकमा सार्वजनिक जग्गा मिचेर बनाइएको क्लबको भवनमा महानगरले डोजर चलाएको हो । अतिक्रमित संरचना भत्काउन मेयर रेनु दाहाल आफैं फिल्डमा उत्रेर डोचरचलाउन आग्रह गरेकी हुन ।
१८८.९४ वर्गफिटमा बनाइएको लायन्स क्लबको भवनको नक्सापास नै नभएको पाइएपछि भत्काएको भरतपुर महानगरले जनाएको छ । महानगरपालिकाले २०८० वैशाख २१ गते नै पुङ्गी खोला करिडोर नापजाँच गरी अतिक्रमित जग्गा खाली गर्न आग्रह गर्दै गत साउत १२ गते सार्वजनिक सूचनासमेत जारी गरेको थियो ।
तर कुनै सुनुवाइ नभएपछि बाध्य भएर डोजर चलाएको महानगरले जनाएको छ । पुङ्गी खोलालाई पुनर्जीवन दिने लक्ष्यसहित संरक्षण र सौन्दर्यकरण अभियान एक साथ सुरु गरेको मेयर रेनु दाहालले बताएकी छन् ।
