थप ३८५ जनामा कोरोना संक्रमण, २५८ जना निको

काठमाडौं । सोमबार थप ३८५ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ९ सय २१ जनाको पीसीआर परीक्षण गर्दा ३६७ जना र २ हजार ७ सय ७६ जनाको एन्टिजेन परीक्षण गर्दा १८ जना गरी ३८५ जनामा कोरोना भाइरसको संक्रमण देखिएको हो ।

गत २४ घण्टामा कोरोना संक्रमणबाट ४ जनाको मृत्यु भएको छ भने २५८ जना निको भएका छन् । सोमबार थपिएसँगै नेपालमा कोरोना संक्रमितको कुल संख्या ९ लाख १४ हजार ७१८ पुगेको छ । योसँगै नेपाल मृत्यु हुनेको संख्या ११ हजार ५ सय पुगेको छ भने ८ लाख ६१७ जना संक्रमणमुक्त भएको मन्त्रालयको तथ्थाकंमा उल्लेख छ ।

मन्त्रालयका अनुसार हाल देशभर सक्रिय संक्रमितको संख्या ७ हजार २६९ जना रहेका रहेको छ । जसमध्ये ६ हजार ८२७ जना होम आइसोलेसनमा, ४४२ जना संस्थागत आइसोलेसनमा, २३० जना आईसीयू र ५५ जना भेन्टिलेटरमा उपचार गराइरहेका छन् ।