- २ भाद्र २०८३, मंगलवार / Aug 18, 2026
काठमाडौं । नेपाली महिला राष्ट्रिय क्रिकेट टोलीको कप्तानमा इन्दु बर्मा नियुक्त गरिएको छ । हङकङमा हुने चार देश सम्मिलित महिला टि–२० अन्तर्राष्ट्रिय शृङ्खलाका लागि बर्मालाई कप्तान नियुक्त गरेको क्यानले जनाएको छ ।
१४ सदस्यीय टोलीको घोषणा गर्दै यही कात्तिक २९ देखि मङ्सिर ३ गतेसम्म हुने शृङ्खलाका लागि उपकप्तानको जिम्मेवारी विन्दु रावललाई दिएको छ ।
अन्य सदस्यमा रुविना क्षेत्री, सीता रानामगर, अश्मिना कर्मचार्य, काजोल श्रेष्ठ, रोमा थापा, सङ्गीता राई सम्झना खड्का खुसी डङ्गोल, पूजा महतो, कञ्चन श्रेष्ठ, सोमु विष्ट र सोनी पाख्रिन रहेको क्यानले जानकारी दिएको छ ।
टि–२० शृङ्खलामा नेपाल, तान्जानिया, जापान र हङकङ छन् । कात्तिक २९ गते तान्जानियासँग नेपालले पहिलो खेल खेल्ने छ ।
