प्रधानमन्त्री–मन्त्री–सांसदको दैनिक मापसे जाँच गर्न हर्क साम्पाङको माग

काठमाडौँ, १५ चैत्र । श्रम संस्कृति पार्टीका अध्यक्ष एवं प्रतिनिधिसभा सदस्य हर्क साम्पाङले प्रधानमन्त्री, मन्त्री र सांसदहरूको दैनिक मापसे जाँच गर्नुपर्ने बताएका छन्।

सामाजिक सञ्जालमा उनले लेखेका छन्– “प्रधानमन्त्रीलगायत सरकारमा बसेका सबै मन्त्रीहरूको मापसे (मादक पदार्थ सेवन) र लापसे (लागु पदार्थ सेवन) चेक जाँच दैनिक गरिनु पर्दछ। सांसदहरूको पनि गर्नु पर्छ। देशको स्वास्थ्यको लागि यो अनिवार्य छ।”

साम्पाङले यस मागमार्फत सरकारका उच्च पदस्थ अधिकारीहरूको पारदर्शिता र जनस्वास्थ्य सुनिश्चित गर्नुपर्नेमा जोड दिएका छन्।