- २८ आश्विन २०८३, बुधबार / Oct 14, 2026
विराटनगर । मेनपावर व्यवसायी विराटनगरमा मृत भेटिएका छन् । सुनसरीको इनरुवा नगरपालिका ६ घर भएका २८ वर्षीया राजीव फुयाँल विराटनगर ११ नयाँ गुद्री अगाडिको होटेलमा बिहान मृत भेटिएका हुन् । होटेलको १०८ नम्बर कोठामा झुन्डिएको अवस्थामा शव भेटिएको छ । मृतक फुयाँल लामो समयदेखि मेनपावर सञ्चालन गरेर बसेका व्यक्ति भएको बुझिएको छ ।
बिहीबार भारत हुँदै २५ जना युवालाई डेनमार्क पठाउने भनेर विराटनगर लिएर गएका थिए । उनी विराटनगरको नयाँ गुद्री अगाडि बसेका थिए भने विदेश जाने युवाहरू रानी क्षेत्रमा बसेका थिए ।बिहान युवाहरूसँगै नआएपछि खोज्दै होटेलमा पुग्दा उनी मृत भेटिएका हुन् ।
एक जना डेनमार्क पठाएबापत उनले ७ लाख लग्ने गरेको बताएका थिए । विदेश पढाउनु अगाडि एक जनाबाट डेढ लाख लिएको खुलेको छ ।
