भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

नक्कली गहना धितो राखेर ५ लाख ठगी प्रयास, तीन जना पक्राउ

नक्कली गहना धितो राखेर ५ लाख ठगी प्रयास, तीन जना पक्राउ

काठमाडौं, ३१ वैशाख । नक्कली गहना धितो राखेर रकम ठगी गरेको अभियोगमा काठमाडौं प्रहरीले तीन जनालाई पक्राउ गरेको छ। पक्राउ पर्नेहरूमा काठमाडौं महानगरपालिका–१४ बस्ने ४५ वर्षीया मिना कुमारी सुनुवार, भक्तपुर मध्यपुर थिमी नगरपालिका–४ बस्ने दोलखा वैतेश्वर गाउँपालिका–१ घर भएका ३८ वर्षीय कालीदास धतानी तथा भक्तपुर नगरपालिका–८ बस्ने झापा अर्जुनधारा नगरपालिका–३ घर भएका २७ वर्षीय अजित विश्वकर्मा रहेका छन्।

प्रहरीका अनुसार उनीहरूले ललितपुरका एक सुनचाँदी व्यवसायीसँग आमा बिरामी परेको र उपचारका लागि तत्काल रकम आवश्यक परेको भन्दै सुन धितो राखेर ५ लाख रुपैयाँ ऋण लिएका थिए।

धितो राखिएको गहना बाहिरबाट सुनको लेप लगाइएको नक्कली रहेको खुलेपछि व्यवसायीले प्रहरीलाई खबर गरेका थिए। त्यसपछि प्रहरीले अनुसन्धान अघि बढाउँदै तीनै जनालाई पक्राउ गरेको जनाएको छ।

प्रहरीले पक्राउ परेकाहरूको साथबाट सुन तथा चाँदीजस्तो देखिने विभिन्न गरगहना समेत बरामद गरेको छ। घटनाबारे थप अनुसन्धान भइरहेको काठमाडौं प्रहरीले जनाएको छ।

 


Thali Mobile Pvt.Ltd.