- ८ असार २०८३, सोमबार / Jun 22, 2026
काठमाडौं । हमासले गाजा पट्टीमा ७ जनाको मृत्यु भएको दाबी गरेको छ । इजरायली बमबारीका कारण ७ बन्धकहरूको मृत्यु भएको हो । हमासले मारिएका बन्धकहरूको संख्या ७० भन्दा बढी हुन सक्ने जनाएको छ । ज्यान गुमाउने सात बन्धकहरू पहिले नै मारिएका ३१ बन्धकहरूमा पर्छन् वा पर्दैनन् भन्ने पनि स्पष्ट पारिएको छैन ।
यस सम्बन्धमा इजरायलबाट कुनै प्रतिक्रिया नआएको बुझिएको छ । अक्टोबर ७, २०२३ मा दक्षिणी इजरायलमा हमासले आक्रमण गरेको थियो । सो क्रममा २५३ मानिसहरूलाई बन्धक बनाएको थियो ।
इजरायलका अनुसार हमासको उक्त हमलामा इजरालका १२ सय मानिस मारिएका छन् । इजरायलले यसविरुद्ध कडा कारबाही गरेको थियो । गाजामा ठूलो मात्रामा बमबारी गरेको थियो । हमासद्वारा सञ्चालित स्वास्थ्य मन्त्रालयले इजरायली आक्रमणका कारण गाजामा हालसम्म ३० हजार प्यालेस्टाइनी मारिएको दाबी गरेको छ ।
