गाजाको खान युनिसबाट दुई दिनमा डेढ लाख मानिसले सहर छाडे

काठमाडौं । गाजाको खान युनिसबाट दुई दिनमा डेढ लाख मानिसले सहर छाडेका छन् । गएको सोमवारदेखि अहिलेसम्म एक लाख ५० हजार मानिसले खान युनिस सहर छाडेका संयुक्त राष्ट्र संघले जनाएको छ । गाजा पट्टीको दक्षिणमा रहेको खान युनिसमा इजरायलले आक्रमणको केन्द्र बनाएपछि त्यहाँबाट मानिस अन्यत्र गएका राष्ट्र संघको दुई वटा संस्थाले गरेको अध्ययनले देखाएको बीबीसीले जनाएको छ ।

हमासले खान युनिसमा आफ्नो सेनालाई पुनः संगठित गर्ने प्रयास गरिरहेकोले त्यहाँ निरन्तर आक्रमण गरिरहेको इजरायलले जनाएको छ । इजरायलले त्यहाँ आक्रमण गर्न थालेदेखि ८० जना प्यालेस्टाइनी मारिएको हमासद्धारा सञ्चालित स्वास्थ्य मन्त्रालयले जानकारी दिएको छ ।