- २६ असार २०८३, शुक्रबार / Jul 10, 2026
बैतडी, १ जेठ । जेनजी आन्दोलनका क्रममा नख्खु कारागारबाट फरार भएका एक कैदीलाई बैतडी प्रहरीले पक्राउ गरेको छ ।
पक्राउ पर्नेमा पुर्चौडी नगरपालिका–७ काफलीका नरेन्द्र सिंह रतोकी रहेका छन् । जिल्ला प्रहरी कार्यालय बैतडीका प्रवक्ता प्रहरी निरीक्षक बलदेव बडूका अनुसार उनलाई शुक्रबार बिहान घरबाटै नियन्त्रणमा लिइएको हो ।इलाका प्रहरी कार्यालय पाटनका इन्चार्ज प्रहरी निरीक्षक इन्द्रराज भट्टको नेतृत्वमा खटिएको टोलीले बिहान करिब ४:३० बजे उनलाई पक्राउ गरेको जनाएको छ ।
रतोकी गत भदौ २३ र २४ गते भएको जेनजी आन्दोलनका क्रममा नख्खु कारागारबाट फरार भएका थिए । उनी जबरजस्ती करणी तथा डाँकाचोरी मुद्दामा १७ वर्ष ६ महिना कैद सजाय भोगिरहेका कैदी हुन् ।
