- २६ असार २०८३, शुक्रबार / Jul 10, 2026
काठमाडौं, २ बैशाख । अमेरिकाको मध्यस्थतामा इजरायल र लेबनानबीच ४५ दिनको युद्धविराममा सहमति भएको छ। अमेरिकी विदेश मन्त्रालयले शुक्रबार वाशिंगटन डीसीमा दुई दिनसम्म चलेको वार्तापछि दुवै पक्ष युद्धविराम लम्ब्याउन तयार भएको घोषणा गरेको हो।
अमेरिकी विदेश मन्त्रालयका प्रवक्ता टमी पिगोटका अनुसार इजरायल र लेबनानका सैन्य टोली सम्मिलित सुरक्षा वार्ता आगामी मे २९ देखि अमेरिकाको पेन्टागनमा सुरु हुनेछ। उक्त वार्तामा सीमा सुरक्षा, आक्रमण नियन्त्रण तथा दीर्घकालीन शान्ति प्रक्रियाबारे छलफल हुने बताइएको छ।
यसअघि अमेरिकी राष्ट्रपति डोनाल्ड ट्रम्पले अप्रिल १६ मा युद्धविराम घोषणा गरेका थिए। तर त्यसपछि पनि इजरायल र हेजबुल्लाहबीच विभिन्न क्षेत्रमा गोलाबारी जारी रहेको थियो। बुधबार मात्र लेबनानको स्वास्थ्य मन्त्रालयले दक्षिणी क्षेत्रमा इजरायलले गरेको हवाई आक्रमणमा २२ जनाको मृत्यु भएको जनाएको थियो। मृत्यु हुनेमध्ये आठ जना बालबालिका रहेको बताइएको छ।
लगातार बढिरहेको हिंसाबीच भएको नयाँ युद्धविराम सहमतिलाई क्षेत्रीय तनाव कम गर्ने महत्वपूर्ण प्रयासका रूपमा हेरिएको छ। अमेरिका सहित अन्तर्राष्ट्रिय समुदायले दुवै पक्षलाई संयम अपनाउन आग्रह गरेका छन्।
