- ६ कार्तिक २०८३, शुक्रबार / Oct 23, 2026
काठमाडौं, ७ बैशाख । जेनजी मुभमेन्ट नेपाल ले विभिन्न शंकास्पद गतिविधिमा नाम जोडिएपछि गृहमन्त्री सुदन गुरुङ लाई पदबाट बर्खास्त गरी पक्राउ गर्न माग गरेको छ। मन्त्री गुरुङमाथि लागेका आरोपहरूमा निष्पक्ष छानबिन हुनुपर्ने मुभमेन्टको माग रहेको छ।
मुभमेन्टका प्रवक्ता विजय शाह ले जारी गरेको विज्ञप्तिमा पदमै रहेर अनुसन्धान गर्न कठिन हुने र यसले न्याय प्रक्रियामा समस्या ल्याउन सक्ने उल्लेख गरिएको छ।
विज्ञप्तिमा ‘मन्त्री कसलाई बनाउने भन्ने विषय गम्भीर विषय भएकाले वर्तमान सरकारले परिपक्व, नेतृत्वदायी र दूरदर्शिता देखाउनुपर्ने’ उल्लेख गरिएको छ।
मुभमेन्टले ७६ जनाको रगतले आएको परिवर्तनको सन्दर्भ उल्लेख गर्दै दोषी देखिएका तथा आरोप लागेका व्यक्तिहरू न्यायको कठघरामा आउनुपर्ने माग गरेको छ। साथै, पद, शक्ति र राजनीतिक संरक्षण कसैलाई पनि नदिन सरकारलाई आग्रह गरिएको छ।
