- ३० असार २०८३, मंगलवार / Jul 14, 2026
अमेरिकाले इरानको ‘टोस्का’ नामक कार्गो जहाज नियन्त्रणमा लिएको जनाएको छ।
अमेरिकी राष्ट्रपति डोनाल्ड ट्रम्पले जहाज नाकाबन्दी तोड्ने प्रयास गर्दा नियन्त्रणमा लिइएको दाबी गरेका छन्।
इरानले भने अमेरिकामाथि युद्धविराम उल्लंघन गर्दै जहाजमा गोली हानेको आरोप लगाएको छ।
घटनापछि क्षेत्रीय तनाव थप बढ्ने संकेत देखिएको छ।
काठमाडौं, ७ बैशाख । अमेरिका ले इरान को एक मालवाहक (कार्गो) जहाज नियन्त्रणमा लिएको जनाएको छ। डोनाल्ड ट्रम्प का अनुसार हर्मुज जलडमरू पार गर्ने प्रयास गरिरहेको ‘टोस्का’ नामक जहाज नियन्त्रणमा लिइएको हो।
ट्रम्पले सामाजिक सञ्जालमार्फत लेख्दै जहाज पूर्णरूपमा नियन्त्रणमा लिएर त्यसमा रहेका सामग्रीबारे अनुसन्धान भइरहेको बताएका छन्। ट्रम्पका अनुसार इरानी झन्डा बोकेको उक्त जहाजले नौसेना नाकाबन्दी तोड्ने प्रयास गरेको थियो। चेतावनी दिँदा नमानेपछि अमेरिकी नौसेनाले आक्रमण गरेर जहाज नियन्त्रणमा लिएको दाबी गरिएको छ।
ट्रम्पले जहाज करिब ९०० फिट लामो र आकारमा विमानवाहक जहाजजत्तिकै ठूलो रहेको उल्लेख गरेका छन्। यसैबीच अमेरिकी केन्द्रीय कमान्ड ले सार्वजनिक गरेको भिडियोमा नौसेना जहाजले कार्गो जहाज रोकेको र गोली प्रहार गरेको दृश्य देखिएको बताइएको छ।
तर इरानको सैन्य मुख्यालयले भने अमेरिकाले युद्धविराम उल्लंघन गर्दै ओमानको खाडी मा इरानको व्यापारिक जहाजमा गोली हानेको आरोप लगाएको छ। तस्निम समाचार एजेन्सी का अनुसार उक्त जहाज चीन बाट इरानतर्फ आइरहेको थियो। इरानले अमेरिकाको उक्त कदमलाई ‘समुद्री डाँका’ को संज्ञा दिँदै चाँडै जवाफ दिइने चेतावनी दिएको छ।
यसअघि हालै मात्र ट्रम्पले इरानसँग फेरि वार्ता गर्न अमेरिकी प्रतिनिधि पाकिस्तान प्रस्थान गरेको जानकारी दिएका थिए। घटनापछि क्षेत्रीय तनाव थप बढ्ने संकेत देखिएको अन्तर्राष्ट्रिय सञ्चारमाध्यमहरूले जनाएका छन्।
