राहत वितरणमा गर्भवती, सुत्केरी र ज्येष्ठ नागरिक काे प्राथमिकतामाः प्रधानमन्त्री दाहाल

बाँके । प्रधानमन्त्री पुष्पकमल दाहाल ‘प्रचण्ड’ले भूकम्प पीडित महिला, बालबालिका, ज्येष्ठ नागरिक, सुत्केरी र गर्भवतीलाई राहत वितरणमा सरकारले प्राथमिकता दिएको बताएका छन् । रोल्पा जिल्ला अस्पताल र थबाङको मोटरेवल पुल उद्घाटनका लागि नेपालगञ्जबाट रोल्पा प्रस्थान गर्ने क्रममा पत्रकारसँग कुराकानीमा सरकारले भूकम्पपीडितका लागि राहत वितरणमा कुनै कसर बाँकी नराखेको बताएका हुन्।

प्रधानमन्त्री दाहालले भने, “ उपलब्घ राहतलाई व्यवस्थापन गर्न सरकारले पहिलो प्राथमिकतामा महिला, बालबालिका, ज्येष्ठ नागरिक, सुत्केरी र गर्भवतीलाई प्राथमिकतामा राखेको छ ।”

प्रधानमन्त्री प्रचण्डसँगै नेकपा (माओवादी केन्द्र)का उपमहासचिव वर्षमान पुन पनि रोल्पा गएका छन् ।