- २४ असार २०८३, बुधबार / Jul 8, 2026
काठमाडौं, २५ बैशाख । श्रम संस्कृति पार्टीका अध्यक्ष हर्क साम्पाङले प्रधानन्यायाधीश नियुक्ति सिफारिसप्रति असन्तुष्टि जनाएका छन् । वरीयता मिचेर प्रधानन्यायाधीश सिफारिस गरिएको भन्दै उनले सरकारको कदममाथि प्रश्न उठाएका हुन् ।
सामाजिक सञ्जालमार्फत प्रतिक्रिया दिँदै साम्पाङले वरीयतामा चौथो स्थानमा रहेका व्यक्तिलाई प्रधानन्यायाधीश बनाउने निर्णय सरकारको अर्को ठूलो असफलताको कारण बन्ने टिप्पणी गरेका छन् । उनले अध्यादेशमार्फत प्रक्रिया अघि बढाइएको विषयलाई पनि आलोचना गरेका छन् ।
साम्पाङले आफ्नो पछिल्लो स्टाटसमा ‘चुपचाप घण्टी छापको करामत’ भन्दै सरकारमाथि व्यंग्य गरेका छन् । उनले संसद् छल्न अध्यादेश ल्याइएको हो ? भन्दै प्रश्न उठाएका छन् ।
प्रधानन्यायाधीश नियुक्तिमा वरीयताको सम्मान गरियो वा गरिएन भन्ने विषयमा सरकार स्पष्ट हुनुपर्ने उनको भनाइ छ । साथै उनले वर्तमान सरकारलाई ‘नीतिगत भ्रष्टाचारी सरकार’ भन्ने आरोपसमेत लगाएका छन् ।
