एक जनाको हत्या, छिमेकी पक्राउ

झापा । एक जना व्यक्ति हत्या आरोपमा पक्राउ परेका छन् ।

बाह्रदशी गाउँपालिका ५ फुलबरीका २६ वर्षीय मानकुमार राजवंशीलाई पक्राउ गरिएको जिल्ला प्रहरी कार्यालय झापाले जनाएको छ ।

शनिबार राति करिब साढे ९ बजे सोही ठाउँका ४५ वर्षीय गंगालाल माझीलाई रडले प्रहार गरी हत्या गरेको प्रहरीको भनाइ छ ।

पुरानो रिसइबीका कारण राजवंशीले माझीलाई आक्रमण गरेको प्रहरीको भनाइ छ । माझीलाई बी एण्ड सी अस्पतालमा पुर्‍याउँदा चिकित्सकले मृत घोषणा गरेका हुन ।