हिमपात भएपछि हिमालको मुहार फेरियो

काठमाडौं । पश्चिमी वायुको आंशिक प्रभाव रहेकोले देशका पहाडी भू–भागमा मौसम प्रतिकुल बन्दै गएको छ ।

अन्य भागमा भने मुख्यतया सफा रहेको छ । तराईका धेरै स्थानमा हुस्सु लागेको छ भने हिमालमा हिउँ जमेर सेताम्ये भएको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

आज दिउँसो कोशी, बागमती र गण्डकी प्रदेशका पहाडी भू–भागमा आंशिक बदली रहने छ भने बाँकी भू–भागमा मौसम मुख्यतया सफा रहने पनि पूर्वानुमानले जनाएको छ ।

कोशी र गण्डकी प्रदेशका उच्च पहाडी तथा हिमाली भू–भागका केही स्थानमा आज राति पनि हिमपात हुने सम्भावना रहेको महाशाखाले जनाएको छ ।