भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

शहीदका सालिकप्रति परिवारजनको आपत्ति, जेनजी स्मृति पार्क उद्घाटन नगरी फर्किए गृहमन्त्री

शहीदका सालिकप्रति परिवारजनको आपत्ति, जेनजी स्मृति पार्क उद्घाटन नगरी फर्किए गृहमन्त्री

काठमाडौं, २४ भदौ । गृहमन्त्री सुधन गुरुङ ललितपुरको सातदोबाटोस्थित पौडी पोखरी परिसरमा निर्माण गरिएको जेनजी स्मृति पार्क उद्घाटन नगरी फर्किएका छन् । जेनजी आन्दोलनका क्रममा सहादत प्राप्त गरेका शहीदहरूको सम्झनामा निर्माण गरिएको पार्कको औपचारिक उद्घाटन गर्न गृहमन्त्री गुरुङ बुधबार सातदोबाटो पुगेका थिए ।

तर पार्कमा निर्माण गरिएका शहीदका सालिकको अनुहार वास्तविक व्यक्तिसँग नमिलेको भन्दै परिवारजनले आपत्ति जनाएपछि उनी उद्घाटन नगरी फर्किएका हुन् । पार्क उद्घाटन कार्यक्रममा सहभागी शहीदका आफन्तहरूले सालिकमा आफ्ना परिवारका सदस्यको अनुहार नमिलेको भन्दै असन्तुष्टि व्यक्त गरेका थिए ।

उनीहरूले शहीदको वास्तविक पहिचान र स्वरूपसँग मेल नखाने गरी सालिक निर्माण गरिएको भन्दै निर्माण प्रक्रियामा लापरबाही भएको आरोप लगाएका छन् । जेनजी स्मृति पार्कमा गत वर्ष भदौ २३ र २४ गते भएको जेनजी आन्दोलनका क्रममा सहादत प्राप्त गरेका ४५ जनाको सालिक निर्माण गरिएको छ ।

पौडी पोखरी परिसरको करिब दुई रोपनी जग्गामा निर्माण गरिएको पार्कलाई शहीदहरूको स्मृति, राष्ट्रियता र सामूहिक स्मरणसँग जोड्ने गरी डिजाइन गरिएको सरकारले जनाएको छ ।

तर उद्घाटनकै क्रममा शहीदका परिवारजनबाट सालिकको स्वरूपप्रति प्रश्न उठेपछि कार्यक्रम प्रभावित भएको हो । परिवारजनले शहीदको योगदान र पहिचानसँग जोडिएको स्मृति पार्क निर्माण गर्दा संवेदनशीलता र वास्तविक विवरणलाई प्राथमिकता दिनुपर्ने बताएका छन् ।

 


Thali Mobile Pvt.Ltd.