भारतीय वायुसेनाको बिमान दुर्घटनामा दुई पाइलटको मृत्यु

तेलंगाना । भारतीय वायुसेनाको एक ट्रेनर विमान दुर्घटना हुदाँ दुई पाइलटको मृत्यु भएको छ । भारतीय वायुसेनाले नै दुर्घटनाको जानकारी दिएको हो ।

भारतीय वायुसेनाका अधिकारीहरूका अनुसार बिहान ८ः५५ बजे पिलाटस प्रशिक्षण विमान तेलंगानाको डिन्डिगुलस्थित वायुसेना एकेडेमीमा दुर्घटनामा परेको हो ।

उक्त विमान दुर्घटनामा वायुसेनाका दुई पाइलटको मृत्यु भएको छ । विमान दुर्घटनामा ज्यान गुमाउने दुई पाइलटमध्ये एक प्रशिक्षक र अर्का एक वायुसेना क्याडेट रहेको अधिकारीहरूले बताएका छन् ।

पिलाटस पीसी ७ एमके २ विमान बिहान वायुसेना एकेडेमीबाट नियमित प्रशिक्षणका लागि प्रस्थान गरेको थियो तर बाटोमा दुर्घटना भएको थियो ।

विमानमा सवार दुवै पाइलटको घटनास्थलमै मृत्यु भएको अधिकारीहरुले बताएका छन् ।