काठमाडाैं, ११ असार । इरान–इजरायल युद्धविरामपछि टर्कीका राष्ट्रपति रेचेप तैयप एर्दोआनले अमेरिकी पूर्वराष्ट्रपति डोनाल्ड ट्रम्पसँग भेटवार्ता गरेका छन् । नेदरल्यान्ड्सको हेगमा आयोजित नेटो शिखर सम्मेलनको क्रममा राष्ट्रपति एर्दोआनले इरान र इजरायलबीच युद्धविराम सुनिश्चित गराउन ट्रम्पले खेलेको भूमिकाको प्रशंसा गरेका हुन् ।
टर्की सरकारद्वारा जारी विज्ञप्तिमा भनिएको छ, “अमेरिकी राष्ट्रपति ट्रम्पको प्रयासमा इजरायल र इरानबीच भएको युद्धविरामलाई स्वागत गर्दै राष्ट्रपति एर्दोआनले यो युद्धविराम दीर्घकालीन होस् भन्ने आशा व्यक्त गरे।” भेटमा एर्दोआनले गाजामा जारी मानवीय संकटको अन्त्यका लागि पनि पहल आवश्यक रहेको बताएका छन् । साथै उनले रुस–युक्रेन युद्धको शान्तिपूर्ण समाधान खोज्न नजिकको संवाद अपरिहार्य रहेकोमा जोड दिएका छन् ।
यो भेट अन्तर्राष्ट्रिय कूटनीतिक दृष्टिले निकै महत्वपूर्ण मानिएको छ, विशेषगरी इरान–इजरायल युद्धविरामपछिको संवेदनशील अवस्थामा नेताहरूबीच समन्वय कायम गर्न गरिएको संवाद विशेष रूपमा हेरिएकाे छ ।
