- ६ कार्तिक २०८३, शुक्रबार / Oct 23, 2026
काठमाडौं, ७ बैशाख । इरान र संयुक्त राज्य अमेरिकाबीच झन तनाव बढेको छ । होरमुज जलडमरू नजिक अमेरिकी नौसैनिक बलले इरानी झण्डा बोकेको जहाज नियन्त्रणमा लिएपछि इरानले कडा चेतावनी दिएको हो ।
इरानले उक्त घटनालाई “खुला आक्रमण” को संज्ञा दिँदै आवश्यक परे कडा जवाफ दिने जनाएको छ । इस्लामिक रिभोलुशनरी गार्ड कर्प्स (IRGC) निकट तास्निम समाचार एजेन्सीका अनुसार इरानी सेना जवाफी कारबाहीका लागि तयार रहेको बताइएको छ ।
जहाजमा चालकदलसँगै परिवारका सदस्य पनि रहेका कारण तत्काल प्रतिक्रिया दिन सीमितता रहेको इरानको भनाइ छ । चालकदल र परिवारको सुरक्षा सुनिश्चित भएपछि मात्र अमेरिका विरुद्ध कदम चालिने जनाइएको छ ।
यस घटनाले पहिले नै संवेदनशील पश्चिम एसियाली क्षेत्रमा तनाव अझ बढाएको छ ।
