जेलमै मृत्यु भएका रुसी नेता नाभाल्नीको शव परिवारलाई दिइएन

काठमाडौं । रुसको आर्कटिक जेलमा मृत्यु भएका रुसी विपक्षी नेता एलेक्सी नाभाल्नीको शव उनको परिवारलाईसमेत नदिइएको छैन । नाभाल्नीका निकट सहयोगीका अनुसार नाभाल्नीको शव पोष्टमार्टम गरिएपछि मात्रै परिवारलाई शव हस्तान्तरण गरिने भनेपनि हालसम्म नदिएको हो ।

नाभाल्नीको टोलीले भ्रष्टाचार विरोधी अभियानकर्तासमेत रहेका रुसी राष्ट्रपति भ्लादिमिर पुटिनका कट्टर आलोचक नाभाल्नीको पुटिनकै आदेशमा हत्या भएको नाभाल्नीकी आमाले बताएकी छन् । नाभाल्नीको मृत्युपछि उनीप्रति श्रद्धाञ्जलि अर्पण गरेको आरोपमा रुसमा ३ सय जनालाई पक्राउ गरिएको एक समूहले जनाएको छ ।

पश्चिमा मुलुकका सरकारले ४७ वर्षीय विपक्षी नेता नाभाल्नीको अचानकको मृत्युका लागि रुसी अधिकारीहरु नै दोषी रहेको बताएका छन् । सम्पन्न मुलुकहरुको समूह जी सेभेनका विदेशमन्त्रीहरुले रुसलाई नाभाल्नीको मृत्यु प्रकरण र अवस्थाका विषयमा तत्काल स्पष्ट पार्न आग्रह गरेका छन् ।