- २७ असार २०८३, शनिबार / Jul 11, 2026
विराटनगर, १९ वैशाख । झापामा जबरजस्ती करणी आरोपमा एक युवक पक्राउ परेका छन् ।
झापाको शिवसताक्षी नगरपालिका–९ निवासी २३ वर्षीय अमृतधन कुलुङ राईलाई १९ वर्षीया युवतीमाथि जबरजस्ती करणी गरेको आरोपमा प्रहरीले नियन्त्रणमा लिएको हो ।
पीडित युवतीले २०८२ साल माघ २० गते दिउँसो शिवसताक्षी–९ दुधेस्थित पुरानो घरमा लगेर जबरजस्ती करणी गरिएको भन्दै वैशाख १४ गते इलाका प्रहरी कार्यालय झिलझिलेमा जाहेरी दिएकी थिइन् ।
जाहेरी परेको दुई दिनपछि, वैशाख १६ गते प्रहरी टोलीले राईलाई दुधे चोकबाट पक्राउ गरेको जनाएको छ ।
पक्राउ परेका राईमाथि झापा जिल्ला अदालतबाट म्याद थप गरी थप अनुसन्धान भइरहेको जिल्ला प्रहरी कार्यालय झापाले जानकारी दिएको छ ।
