भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

बाढीको जोखिमपछि कालिकोटमा डेढ सय परिवार सुरक्षित स्थानमा सारिए

बाढीको जोखिमपछि कालिकोटमा डेढ सय परिवार सुरक्षित स्थानमा सारिए

मुख्य बुँदा

कालिकोटको सान्नीत्रिवेणी गाउँपालिकास्थित शान्तिघाट खोलामा बाढी आएको छ ।

वर्षाका कारण खोलाको मुहान क्षेत्रमा पहिरो खसेर पानी थुनिएको थियो ।

थुनिएको पानी एक्कासि फुटेपछि खोलामा बाढी आएको हो ।

बाढीको जोखिम बढेपछि करिब डेढ सय परिवारलाई सुरक्षित स्थानमा सारिएको छ ।

मुम्राको बालीपाटादेखि गैराखाडा, लामाबगर हुँदै शान्तिघाटसम्म पानीको बहाव बढेको छ ।

जिल्ला प्रशासन कार्यालय कालीकोटले खोला किनारका बासिन्दालाई सतर्क रहन आग्रह गरेको छ ।

काठमाडौं, १९ भदौ । कालिकोटको सान्नीत्रिवेणी गाउँपालिकास्थित शान्तिघाट खोलामा बाढी आएपछि खोला किनारमा बस्दै आएका करिब डेढ सय परिवारलाई सुरक्षित स्थानमा सारिएको छ ।

सान्नीत्रिवेणी गाउँपालिका अध्यक्ष मोहनबहादुर केसीका अनुसार बिहीबार बेलुकीदेखि भएको वर्षाका कारण खोलाको मुहान क्षेत्रमा पहिरो खसेर पानी थुनिएको थियो । थुनिएको पानी एक्कासि फुटेपछि खोलामा बाढी आएको हो ।

बाढीपछि मुम्राको बालीपाटादेखि गैराखाडा, लामाबगर हुँदै शान्तिघाटसम्म खोला किनारमा पानीको बहाव बढेको छ । पानीको बहाव बढेसँगै बाढीको जोखिमसमेत बढेपछि स्थानीयलाई तत्काल सचेत गराउँदै करिब डेढ सय परिवारलाई सुरक्षित स्थानमा सारिएको गाउँपालिकाले जनाएको छ ।

बाढीबाट थप क्षति हुन नदिन खोला किनारका बासिन्दालाई सतर्क रहन आग्रह गरिएको छ । जिल्ला प्रशासन कार्यालय कालिकोटले पनि सम्भावित जोखिमलाई ध्यानमा राख्दै खोला तथा नदी किनारमा रहेका बासिन्दालाई विशेष सावधानी अपनाउन आग्रह गरेको छ । स्थानीय प्रशासन तथा सम्बन्धित निकायले बाढीको अवस्था र पानीको बहावबारे निगरानी गरिरहेको जनाइएको छ ।

 


Thali Mobile Pvt.Ltd.