भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

काठमाडौँ उपत्यकामा सार्वजनिक बसको छड्के अनुगमन शुरु

काठमाडौँ उपत्यकामा सार्वजनिक बसको छड्के अनुगमन शुरु

काठमाडौँ, ३१ वैशाख । काठमाडौँ उपत्यकामा सञ्चालन हुँदै आएका सार्वजनिक गाडीहरूको अवस्था, सुरक्षा मापदण्ड तथा ट्राफिक नियम पालनाको निगरानी गर्न उपत्यका ट्राफिक प्रहरी कार्यालयले विशेष छड्के अनुगमन तथा निरीक्षण अभियान शुरु गरेको छ।

यात्रुको सुरक्षा, सार्वजनिक यातायात सेवा सुधार तथा दुर्घटना न्यूनीकरणलाई लक्षित गर्दै हिजोदेखि नियमित रूपमा छड्के निरीक्षण थालिएको काठमाडौँ उपत्यका ट्राफिक प्रहरी कार्यालयले जनाएको छ।

कार्यालयका प्रमुख तथा प्रहरी वरिष्ठ उपरीक्षक नवराज अधिकारी का अनुसार सार्वजनिक यातायातका साधनमा अनिवार्य रूपमा जडान गर्नुपर्ने सिसी क्यामेरा, ड्यासबोर्ड क्यामेरालगायत सुरक्षा उपकरण जडान भए/नभएको विषयमा विशेष ध्यान दिँदै अनुगमन थालिएको हो।

त्यस्तै सार्वजनिक गाडीहरूको सरसफाइ, चालक तथा सहचालकको व्यवहार, क्षमताभन्दा बढी यात्रु बोकिएको अवस्था तथा ट्राफिक नियम पालना भए/नभएको विषयमा समेत निगरानी गरिएको प्रहरीले जनाएको छ।

पछिल्लो समय सार्वजनिक यातायातमा यात्रुको गुनासो बढ्दै गएको, सवारीसाधनको लापरबाहीका कारण दुर्घटनाको जोखिम उच्च रहेको तथा सुरक्षा उपकरणको प्रभावकारी कार्यान्वयन हुन नसकेको अवस्थालाई ध्यानमा राख्दै यस्तो अभियान सञ्चालन गरिएको प्रहरी वरिष्ठ उपरीक्षक अधिकारीले बताउनुभयो।

 


Thali Mobile Pvt.Ltd.