- ५ आश्विन २०८३, सोमबार / Sep 21, 2026
काठमाडौं, १९ फागुन । काठमाडौंका दुई स्थानमा मंगलबार बिहान दुई वटा गाडीमा आगजनी गरिएको छ । प्रहरीका अनुसार सुकेधारा र नैकाप क्षेत्रमा बिहान करिब ३ बजेतिर छुट्टाछुट्टै गाडीमा आगो लगाइएको हो ।
नेपाल प्रहरीका केन्द्रीय प्रवक्ता अबिनारायण काफ्लेका अनुसार सुकेधारामा बा ७ च १४०१ नम्बर र नैकापमा बीएए २८३६ नम्बरको गाडीमा आगजनी भएको छ । आगजनी गरिएका गाडीमध्ये एकमा राष्ट्र, राष्ट्रियता, धर्म संस्कृति तथा नागरिक बचाउ महाअभियानका संयोजक दुर्गा प्रसाईंको पर्चा समेत फेला परेको प्रहरीले जनाएको छ ।
घटनाको प्रकृति र संलग्न व्यक्तिको पहिचानका लागि अनुसन्धान भइरहेको प्रवक्ता काफ्लेले जानकारी दिए । प्रहरीले घटनास्थल आसपासको क्षेत्रको निगरानी बढाएको छ ।
