मनमोहन अस्पतालमा उपचाररत घाइतेको मृत्यु

काठमाडौं, १९ फागुन । काठमाडौंस्थित मनमोहन अस्पताल स्वयम्भूमा उपचाररत एक घाइतेको मृत्यु भएपछि आफन्तले विरोध प्रदर्शन गरेका छन् ।

अस्पताल परिसरभित्र प्रदर्शन भएपछि केहीबेर तनावको अवस्था सिर्जना भएको थियो । मृतकका आफन्तले उपचारमा लापरवाही भएको आरोप लगाएका छन् । उनीहरूका अनुसार समयमा उचित उपचार नपाउँदा घाइतेको मृत्यु भएको हो । मृतक धादिङमा भएको सवारी दुर्घटनामा घाइते भएका व्यक्ति रहेको बताइएको छ । दुर्घटनापछि उनलाई उपचारका लागि मनमोहन अस्पताल ल्याइएको थियो ।

घटनापछि अस्पताल क्षेत्रमा सुरक्षा सतर्कता बढाइएको छ । घटनाबारे थप विवरण आउन बाँकी रहेको प्रहरीले जनाएको छ ।