- २२ असार २०८३, सोमबार / Jul 6, 2026
दाङ । कृषि विषयमा स्नातक गरेका एक युवाले व्यवसायिक रूपमै केशर खेती सुरु गरेका छन् । बन्द कोठाभित्र कृत्रिम तरिकाले केशरका लागी आवश्यक प्रकाश र तापक्रम तयार गरि माटो बिनै केशर उत्पादन सुरु गरेका ती युवाले तीन महिनाभित्रै उत्पादन लिन थालिसकेका छन् ।
पञ्जाबमा बाली विज्ञानमा स्नातक तह अध्ययन गरेका २७ वर्षीय विवेक अधिकारीले घोराही उपमहानगरपालिका–१० नारायणपुरमा सनराइज कृषि फार्म स्थापना गरेर बहुमूल्य जडिबुटी केशरको व्यवसायिक उत्पादनमा सुरु गरेका हुन ।
मोग्रा जातको केशरको बिउ ल्याएर कस्मिरकै वातावरणमा केशर उत्पादन गरेका उनले आफ्नै घरको छतमा १६ को बाहिरी वातावरणले असर नगर्ने कोठा तयार गरिएको छ । त्यही कोठा भित्र विद्युत्बाट केशरलाई उपयुक्त हुने कस्मिरकै हावापानी र प्रकाशको तापक्रम व्यवस्थापन गरिएको छ ।
अहिले यी फूलबाट करिब ४ सय ग्राम केशर उत्पादन भैसकेको विवेक अधिकारी बताउछन् । केशर खेती गर्ने व्यवसायी नेपालमा केशरको माग अनुसार उत्पादन अत्यन्त कम हुने गरेको र व्यवसायिक रुपमा खेती गर्दा राम्रो आम्दानी लिन सकिने भएकाले केशर खेती सुरु गरेको उनको भनाइ छ ।
शक्ति वर्धक जडिबुटीको रुपमा रहेको केशरको बजार मूल्य प्रतिकेजी आठदेखि दश लाख रुपैयाँ रहेको छ ।
