- ३० आश्विन २०८३, शुक्रबार / Oct 16, 2026
काठमाडौं । कोशी प्रदेशको मुख्यमन्त्री टुंगो लगाउँन आज साँसदहरुको हस्ताक्षर सनाखत गरिदै छ । गठबन्धनबाट नेकपा माओवादी केन्द्रका इन्द्रबहादुर आङ्बो र नेकपा एमालेको समर्थनमा नेपाली कांग्रेसको विद्रोही पक्षधर केदार कार्की मध्ये को मुख्यमन्त्री बन्ने भन्ने छिनोफानो आजै हुँदैछ ।
मुख्यमन्त्रीका लागि दुईजनाको दाबेदारी प्रस्तुत भएपछि प्रदेश प्रमुख परशुराम खापुङले दुवै पक्षका सांसदहरूको सनाखत गराउन लागेको प्रदेश सचिवालयले जनाएको छ । बिहान ८ देखि दिउँसो २ बजे भित्र सनाखत गराई सक्ने भएपछि आज मुख्यमन्त्री नियुक्ति गर्ने पक्का छ ।
माओवादीका आङ्बोले गठबन्धनमा रहेका दलहरू मध्ये नेपाली कांग्रेसका २९, माओवादीका १३, नेकपा एसका ३ र जसपाका १ सांसदको हस्ताक्षर बुझाएका छन् भने कांग्रेसका विद्रोही उम्मेदवार कार्कीले आफूसहित कांग्रेसका ९ तथा एमालेका ३९ सदस्यको हस्ताक्षरसहित कुल ४८ जनाको समर्थनसहित
मुख्यमन्त्रीको दाबी गरेको प्रदेश प्रमुखको सचिवालयले जनाएको छ । आङ्बोले बुझाएको पत्रमा राखिएको आफ्नो समूहका सांसदहरूको हस्ताक्षर नक्कली भएको दाबी गर्दै कार्की समुहले प्रतिवाद गरिरहेको छ ।
