- २७ बैशाख २०८३, आईतवार / May 10, 2026
काठमाडौं । काँग्रेसका उपसभापति पूर्णबहादुर खड्काले काँग्रेस भित्र रुपान्त्रणको जरुरी रहेको बताएका छन् । जनताको सुख दुःखको साथी बन्न नेता देखि कार्यकर्तामा रुपान्त्रण जरुरी रहेको औल्याएका हुन ।
काँग्रेस जाजरकोट जिल्ला सम्मेलनको उद्घाटन सत्रमा बोल्दै मन्त्री खड्काले यस्तो बताएका हुन । मतदाताले काँग्रेसलाई तीनवटै तहमा पहिलो दल बनाए तर काँग्रेसले जनतालाई पहिलो प्राथमिक्तामा राखेको खोई ? प्रश्न गरे ।
सरकारका उपप्रधानमन्त्री तथा रक्षामन्त्रीसमेत रहेका खड्काले काँग्रेसभित्र रुपातन्तरण अहिलेको आवश्यक्ता रहेको संकेत गरे । काँग्रेसका हरेक नेता कार्यकर्ता तथा निर्वाचित सबै तहका जननिर्वाचित प्रतिनिधिले आफुलाई सुधारको बाटोमा लैजानु पर्ने बताए ।
हरेक काम, आफ्ना प्रतिबद्धता र जनतासमक्ष देखाउने व्यवहारमा मतदाताको हित चिताएर काम गर्न निर्देशन दिए । उनले काँग्रेसमा कर्णाली प्रदेशको ठूलो योगदान रहेको जिकिर गरे ।
