- २६ असार २०८३, शुक्रबार / Jul 10, 2026
काठमाण्डौ, २२ जेठ । उपराष्ट्रपतिको कार्यालयमा कार्यरत सचिव कृष्णहरि पुष्करलाई प्रहरीले सोधपुछपछि रिहा गरेको छ।
उपत्यका अपराध अनुसन्धान कार्यालय टेकुको टोलीले उनलाई हिजो दिनभर सोधपुछ गरी राति घरमै छोडेको हो। प्रधानमन्त्री तथा मन्त्रिपरिषद् कार्यालयको आदेशअनुसार उनलाई अनुसन्धानका लागि बोलाइएको बुझिएको छ।
त्यसअघि उनलाई प्रहरीले जरुरी पक्राउ पुर्जी थमाएर स्वास्थ्य परीक्षण गर्ने तयारीसमेत गरेको थियो। तर प्रारम्भिक अनुसन्धानपछि मुद्दा चलाउने किसिमको ठोस आधार नदेखिएको भन्दै सोधपुछपछि मात्रै रिहा गरिएको प्रहरीले जनाएको छ।
पुष्करमाथि ‘चेन अफ कमान्ड’ मिचेर व्यक्तिगत स्वार्थका लागि प्रधानमन्त्री बालेन्द्र शाहलाई सन्देश पठाएको आरोपसमेत लागेको थियो। उक्त विषयमा आवश्यक बुझाइ लिएपछि उनलाई छाडिएको बताइएको छ।
