भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

बाँदर धपाउन लालीगुराँस नगरपालिकाले दियो सार्वजनिक बिदा

बाँदर धपाउन लालीगुराँस नगरपालिकाले दियो सार्वजनिक बिदा

मुख्य बुँदा

लालीगुराँस नगरपालिकाले ‘बाँदर लखेटी’ अभियान सञ्चालन गर्ने

जेठ १ र २ गते बाँदर धपाउने विशेष कार्यक्रम

कृषिबालीमा ठूलो क्षति पुगेपछि अभियान सञ्चालन

विभिन्न क्षेत्रमा बाँदर हेरालु खटाइने

कृषकलाई रातदिन खेत कुरुवा बस्नुपर्ने अवस्था

जेठ १ गते अत्यावश्यकबाहेक सार्वजनिक बिदा घोषणा

तेह्रथुम, ३० बैशाख । लालीगुराँस नगरपालिका ले बाँदरबाट कृषिबालीमा भइरहेको क्षति न्यूनीकरण गर्न ‘बाँदर लखेटी’ अभियान सञ्चालन गर्ने भएको छ।

नगरपालिकाले सूचना जारी गर्दै जेठ १ र २ गते बाँदर धपाएर नगरपालिकाको सीमाना कटाउने अभियान सञ्चालन गर्न लागिएको जनाएको हो। अभियानअन्तर्गत वडा नं. ८ को मेघा पुच्छार, वडा नं. ६ र ८ को संगमस्थल नागेश्वरी तथा वडा नं. ५ को सिथापा पुच्छार क्षेत्रमा अस्थायी संरचना निर्माण गरी बाँदर हेरालु समेत खटाइएको नगरपालिकाले जनाएको छ।

नगरप्रमुख अर्जुन मावोहाङ द्वारा जारी सूचनामा बाँदर समस्याका कारण कृषकहरूले उत्पादन गरेको कृषि उपजमा ठूलो क्षति पुगेको उल्लेख गरिएको छ। खेतबारी जोगाउन किसानहरू रातदिन कुरुवा बस्नुपर्ने अवस्था आएको तथा कतिपय बालबालिका विद्यालय जानसमेत नसक्ने अवस्था सिर्जना भएको सूचनामा उल्लेख छ।

नगरपालिकाले अभियान सफल बनाउन सम्पूर्ण कृषक, जनप्रतिनिधि, कर्मचारी तथा नागरिकलाई सक्रिय सहभागिताका लागि अनुरोध गरेको छ। साथै ठूलो संख्यामा जनपरिचालन आवश्यक पर्ने भएकाले जेठ १ गते अत्यावश्यक सेवाबाहेकका सेवा बन्द रहने गरी सार्वजनिक बिदासमेत घोषणा गरिएको नगरपालिकाले जनाएको छ।

 


Thali Mobile Pvt.Ltd.