भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

नेपाल-भारत सम्बन्धमा विकास कूटनीतिको नयाँ युग आवश्यक : सभापति लामिछाने

नेपाल-भारत सम्बन्धमा विकास कूटनीतिको नयाँ युग आवश्यक : सभापति लामिछाने

काठमाण्डाै, २१ जेठ । राष्ट्रिय स्वतन्त्र पार्टी (रवि लामिछाने) का सभापति रवि लामिछानेले नेपाल–भारत सम्बन्धलाई विकास कूटनीतिको नयाँ युगतर्फ अघि बढाउनुपर्ने बताएका छन्।

भारत भ्रमणका क्रममा नयाँ दिल्लीमा भारतीय प्रधानमन्त्री नरेन्द्र मोदी सँग भएको भेटपछि उनले सामाजिक सञ्जाल एक्समार्फत आफ्नो धारणा सार्वजनिक गरेका हुन्।

लामिछानेका अनुसार प्रधानमन्त्री मोदीसँगको करिब एक घण्टा लामो संवाद अत्यन्तै सकारात्मक र फलदायी रह्यो। उनले नेपाल र भारत दुवैले विकास कूटनीतिको नयाँ युगलाई आत्मसात् गर्नुपर्नेमा आफू पूर्ण सहमत रहेको बताएका छन्।

उनले दुई देशबीचको साझा सभ्यतालाई आधार बनाएर आपसी विश्वास, सहकार्य र प्रगतिमा आधारित नयाँ साझेदारी निर्माण गर्न सकिने पनि उल्लेख गरेका छन्।

यसअघि भारतीय प्रधानमन्त्री मोदीले ‘छिमेकी पहिलो’ नीतिअन्तर्गत नेपाल भारतको प्राथमिक साझेदार भएको बताएका थिए।

 


Thali Mobile Pvt.Ltd.