भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

पहाडी क्षेत्रमा हल्कादेखि मध्यम वर्षा, मधेसमा हावाहुरीको चेतावनी

पहाडी क्षेत्रमा हल्कादेखि मध्यम वर्षा, मधेसमा हावाहुरीको चेतावनी

काठमाण्डौ, २८ बैशाख । देशभरको मौसममा आज विविधता देखिएको छ। जल तथा मौसम पूर्वानुमान महाशाखाले सुदूरपश्चिम, कर्णाली, लुम्बिनी र गण्डकी प्रदेशका पहाडी क्षेत्रहरूमा मेघगर्जन र चट्याङ्गसहित हल्कादेखि मध्यम वर्षा हुने सम्भावना जनाएको छ। साथै, कोशी र बागमती प्रदेशका पहाडी भूभागहरूमा पनि हल्का वर्षा हुने संकेत गरिएको छ।

मौसमविद् डेभिड ढकालका अनुसार, दिउँसोतिर काठमाडौं उपत्यकामा पनि छिटपुट वर्षा हुन सक्ने अनुमान गरिएको छ। अर्कोतर्फ, मधेस प्रदेशका केही स्थानहरूमा हावाहुरी चल्ने सम्भावना रहेको जनाइएको छ।

तराई–मधेस क्षेत्रहरूमा गर्मी थप बढेको छ। भैरहवामा हिजो देशकै उच्चतम तापक्रम ४१.५ डिग्री सेल्सियस मापन गरिएको थियो। आजको तापक्रम यसभन्दा केही कम हुने अनुमान गरिएको छ। काठमाडौं उपत्यकामा हिजो ३१.६ डिग्री सेल्सियस तापक्रम मापन भएको थियो र आज पनि ३० देखि ३२ डिग्रीको बीचमा तापक्रम रहने सम्भावना छ।

महाशाखाका अनुसार हाल पश्चिमी वायु, स्थानीय वायुसँगै अरब सागरबाट आइरहेको जलवाष्पयुक्त हावाको प्रभाव देशभर परेको छ। साथै, हिमाली केही भागहरूमा हल्का हिमपातको सम्भावना पनि जनाइएको छ। वर्षा र हावाहुरीको सम्भावनालाई ध्यानमा राख्दै महाशाखाले नागरिकहरूलाई आवश्यक सतर्कता अपनाउन अनुरोध गरेको छ।

 


Thali Mobile Pvt.Ltd.