लुम्बिनी प्रदेशभर सार्वजनिक बिदा

काठमाण्डौ, २१ माघ । लुम्बिनी प्रदेश सरकारले प्रदेश सरकार स्थापना दिवसको अवसरमा आज प्रदेशभर सार्वजनिक बिदा दिएको छ।

प्रदेश सरकारको आन्तरिक मामिला तथा कानुन मन्त्रालयले जारी गरेको सूचनाअनुसार आज माघ २१ गते लुम्बिनी प्रदेशका सबै सरकारी कार्यालय, शैक्षिक संस्था तथा सार्वजनिक निकायमा सार्वजनिक बिदा रहेको छ।

प्रदेश स्थापना दिवसलाई औपचारिक रूपमा विभिन्न कार्यक्रममार्फत मनाउने उद्देश्यले सार्वजनिक बिदा दिने निर्णय गरिएको मन्त्रालयले जनाएको छ।