- २५ आश्विन २०८३, आईतवार / Oct 11, 2026
एजेन्सी । भेनेजुएलाका अपदस्थ राष्ट्रपति निकोलस मादुरोले आफूमाथि लगाइएका सबै आपराधिक आरोप अस्वीकार गर्नुभएको छ ।मादुरोले अमेरिकी म्यानहटनको संघीय अदालतमा उपस्थित भएर आफू ‘निर्दोष’ रहेको बयान दिनुभयो ।
उहाँविरुद्ध ‘नार्को–टेररिज्म’ अर्थात् लागूऔषध आतंकवाद, मेसिनगन र विनाशकारी उपकरणहरू राखेको आरोपलगायतका अभियोग रहेका छन् ।
६३ वर्षीय मदुरोले अदालतमा आफू भेनेजुएलाको निर्वाचित राष्ट्रपति भएको दाबी गर्नुभएको छ । अमेरिकी सञ्चारमाध्यम सीएनएनका अनुसार न्यूयोर्कको संघीय अदालतले अर्को सुनुवाइका लागि आउँदो मार्च १७ तारिख तोकेको छ ।
गएको शनिवार अमेरिकाले भेनेजुएलामा आक्रमण गरेर त्यहाँका राष्ट्रपति मदुरोलाई नियन्त्रणमा लिएर न्यूयोर्क पुर्याएको थियो । अमेरिकी राजनीतिमा दोस्रो कार्यकालका लागि डोनाल्ड ट्रम्प राष्ट्रपतिमा निर्वाचित भएदेखि नै मदुरोसँग सत्ता परिवर्तनको विषय उठाउँदै आएको थियो । ट्रम्पको पहिलो कार्यकालमै दुवैको सम्बन्ध राम्रो थिएन ।
