निजी स्कुलमा छोराछोरी पढाउने दैलेखका सामुदायिक विद्यालयका ३१ शिक्षक र जनप्रतिनिधिलाई जरिवाना

दैलेख  ।  गुराँस गाउँपालिकाले निजी विद्यालयमा छोराछोरी पढाउने सामुदायिक विद्यालयका शिक्षक र जनप्रतिनिधिहरुलाई जरिवाना तिराएको छ। गाउँपालिकाले उपाध्यक्ष दीपा विसीसहित ३१ जनालाई जरिवानाको निर्णय गरेको हो । २०७६ चैत २५ गतेको कार्यपालिका बैठकले जनप्रतिनिधि, गाउँपालिकामा कार्यरत कर्मचारी र शिक्षकहरुका छोराछोरीलाई अनिवार्य रुपमा सामुदायिक विद्यालयमा पढाउने निर्णय गरेको थियो ।

‘पालिकाको निर्णयविपरित जनप्रतिनिधि, कर्मचारी र शिक्षकहरुले आफ्ना छोराछोरी बोर्डिङ स्कुलमा भर्ना गरेको पाइएपछि जनही १०–१० हजार रुपैयाँ जरिवानाको निर्णय गरेका हौं,’ गाउँपालिका अध्यक्ष खेमबहादुर वलीले भने, ‘अरुको पनि छानविन गर्न समिति गठन गरेका छौं।’
कार्यपालिका बैठकले सामुदायिक विद्यालयमा गुणस्तरीय शिक्षाका लागि पालिकाका सबै जनप्रतिनिधि, कर्मचारी र शिक्षकहरुले कक्षा १ देखि ८ सम्मका आफ्ना छोराछोरीहरुलाई अनिवार्य सामुदायिक विद्यालयमा पढाउने निर्णय गरेको थियो ।

जनप्रतिनिधि, कर्मचारी र शिक्षकहरुले आफ्ना छोराछोरीलाई निजी विद्यालयमा पढाएको उजुरीपछि गाउँपालिकाले शिक्षा शाखाका थिरबहादुर सुनारको संयोजकत्वमा छानविन समिति गठन गरेको थियो । ‘छानविन समितिको प्रतिवेदनका आधारमा जनप्रतिनिधि, कर्मचारी र शिक्षकहरुलाई गाउँपालिकाको आन्तरिक कोषमा जरिवानावापतको १० हजार रुपैयाँ दाखिला गरेर रसिद पालिकामा बुझाउन भनिएको छ,’ अध्यक्ष वलीले भने, ‘केहीले बुझाएका छन्, केही बुझाउँदैछन् ।’ नागरिकबाट…