बेलायतमा फेरी एक महिने लकडाउन घोषणा

लण्डन । बेलायतमा कोरोना भाइरस सङ्क्रमितको संख्या दशलाख नाघेकै दिन बेलायतको सरकारले नोभेम्बर ५ गते देखि लागु हुने गरी इङल्याण्डमा एक महिने लकडाउन घोषणा गरेको छ । प्रधानमन्त्री बोरिस जोन्सनले सम्बोधनगर्दै कोरोनाको बढ्दो संक्रमण दर कम गर्न र मृत्युदर घटाउन इङ्ल्याण्डमा चार साताको लकडाउन गर्नु परेको बताए ।

कोरोनाको दोस्रो लहरसँग जुधिरहेको बेलायतमा अहिले दैनिक २० हजारभन्दा बढी नयाँ संक्रमितहरु थपिदै गएको अवस्थामा बेलायती सरकारले इङ्ल्याण्डमा दोस्रो लकडाउनको घोषणा गरेको हो । यसअघि मार्च २३ देखि जुलाई ४ सम्म पहिलो लकडाउन गरिएको थियो । स्वास्थ्य विज्ञहरुले यही गतिमा संक्रमण दर बढ्दै गएमा पहिलो लहरभन्दा स्थिति भयावहहुने र ८० हजारभन्दाको बढी मृत्यु हुनसक्ने चेतावनीदिदै आएका छन् ।

प्रधानमन्त्री जोन्सनले अनावश्यक काममा बाहिर ननिस्कन र घरमै बसेर मानिसको ज्यान जोगाउनआग्रह गर्नु भएको छ । लकडाउन लागु भएसँगै इङल्याण्डमापव,रेष्टुरेष्ट,जीम,सैलुन,मनोरञ्जनका क्षेत्र र अत्यावसकीय सेवा बाहेकका अन्य सबै पसलहरु बन्द हुने छन् तर टेक अवे र डेलिभरी सेवाखुला रहनेछन । यद्धपि अघिल्लो लकडाउनमा बन्दभएका विद्यालय,क्याम्पस, विश्वविद्यालय भने यस पटक खुला हुनेछन । गोरखापत्रबाट…