५० प्रतिशत मतगणना सकियो, नतिजाको पर्खाइमा कार्यकर्ता

काठमाडौं । नेपाली कांग्रेसको सभापतिको ५० प्रतिशत मतगणना सकिएको छ। राष्ट्रिय सभागृहमा भइरहेको मतगणनामा सभापतिका उम्मेदवार शेरबहादुर देउवाले अग्रता लिएका छन्। गणनामा डा.शेखर कोइरालाले दोस्रो, प्रकाशमान सिंह तेस्रो मत प्राप्त गरिरहेका छन् । पछिल्लो समयमा देउवाले मतान्तर बढाएका छन्।

मतगणना जारी रहँदा मतदाता र कार्यकर्ता नतिजाको पर्खाइमा राष्ट्रिय सभा गृह अगाडि भेला भएका छन्। निर्वाचन समितिका संयोजक गोपालकृष्ण घिमिरेका अनुसार ४ हजार ६७९ मत खसेको छ। नेपाली कांग्रेसका कूल ४ हजार ७४३ मतदाता रहेका थिए। नेपाली कांग्रेसको १४ औं महाधिवेशनमा सभापतिमा पाँच जनाले उम्मेदवारी दिएका छन्।

त्यसमध्ये देउवा र र कोइरालाले प्यानल बनाएरै चुनावमा उत्रिएका छन्। पार्टीको विधानअनुसार कांग्रेसको सभापतिमा निर्वाचित हुनका लागि कूल खसेको ५० प्रतिशत बढी मत हुनुपर्छ। ५० प्रतिशत बढी मत नल्याए पहिलो र दोस्रो स्थानमा रहेका दुईबीच दोस्रो चरणको चुनाव हुने प्रावधान छ। अन्नपूर्ण पोष्ट दैनिकबाट …..