- १६ भाद्र २०८३, मंगलवार / Sep 1, 2026
भैरहवा । रुपन्देहीको मायादेवी गाउँपालिकामा एक युवा मृतअवस्थामा फेला परेका छन्। मायादेवी गाउँपालिका-२ डन्टहवाका २९ वर्षीय राकेश सिंह लोध आफ्नो घरको बरण्डामा मृत अवस्थामा भेटिएको जिल्ला प्रहरी कार्यालय रुपन्देहीका एसपी रंजितसिंह राठौरले जानकारी दिए।
मायादेवी गाउँपालिका-२ का वडाअध्यक्ष अग्नु यादवले लोधको गोली प्रहार गरेर हत्या गरिएको देखिएको बताए। शरिर पुरै रगतले लतपतिएको छु, उनले भने, प्रहरीले यहाँ घटनास्थलमा आफ्नो प्रक्रिया अगाडि बढाइरहेका छन्।
गोली हानेर हत्या गरिएको हो वा कसरी के भएको हो खुल्न बाँकी रहेको एसपी राठौरले बताए। घरको बरण्डामा लोध मृत अवस्थामा भेटिएका छन् रुपन्देहीका एसपी राठौरले भने,गोली हानेर हत्या गरिएको हो वा कसरी हत्या भएको हो ? अहिले नै केही भन्न सकिन्न पोष्टमार्टमपछि विषय खुल्नेछ।
उनका अनुसार घरमा घरायसी विवाद रहेको र घटनापछि मृतकको दाजु फरार रहेकोले उनको खोजी भइरहेको छ।अन्नपूर्ण पोस्टबाट…
