मकवानपुरमा बाढी-पहिरो : दुई जनाको मृत्यु

हेटौंडा । मकवानपुरमा पहिरोले पुरिएर र खोलाले बगाएर बिहीबार दुई जनाको मृत्यु भएको छ। लगातारको वर्षापछि आएको पहिरोमा पुरिएर राक्सिराङ गाउँपालिका वडा नम्वर–६ बस्ने ४७ वर्षका तोकबहादुर चेपाङ्को पहिरोमा पुरिएर मृत्यु भएको इलाका प्रहरी कार्यालय मनहरीले जनाएको छ।

चेपाङको मागेनीस्थित घर पहिरोले पुरेको थियो। वर्षाका कारण सडक अवरुद्ध भएकाले घटनास्थालमा पुग्न नसकिएको र शव निकाल्न समस्या भएको प्रहरीले जनाएको छ।

त्यस्तै कैलाश गाउँपालिका वडा नम्बर–३ स्थित कालिखोलाले बगाउँदा हिजो बुधबार एक जना वृद्धको मृत्यु भएको छ। मृत्यु हुनेमा स्थानीय ६५ वर्षीय दलबहादुर चेपाङ रहेका छन्। कालिका बजारबाट घर फर्कने क्रममा उनलाई खोलाले बगाएको बागमती प्रदेश प्रहरी कार्यालय हेटौंडाले जनाएको छ। अन्नपूर्ण पोष्ट दैनिकबाट….