- ३० आश्विन २०८३, शुक्रबार / Oct 16, 2026
दैलेख । महाबु गाउँपालिकामा कांग्रेस, एमाले, माओवादी केन्द्र, नेमकिपा, रास्वपा लगायत दलहरु अध्यक्ष पदको महाभिडन्तमा मिसिएका छन् । पालिका उपचुनावमा अध्यक्ष पदको नतिजा आफ्नो पक्षमा आउने विश्वासमा एकीकृत समाजवादीदेखि राप्रपासम्म जुटेका छन् ।
पुराना घटकहरुका बीच नयाँ उदाएको रास्वपा पनि जित निकाल्ने दाउमा जुटेको छ । कांग्रेसबाट झलकबहादुर भण्डारी, एमालेबाट जंगबहादुर शाही, माओवादी केन्द्रबाट जंगबहादुर बराल मगर, नेमकिपाका दुर्गबहादुर मगर, राष्ट्रिय स्वतन्त्र पार्टीबाट प्रकाशकुमार बुढा, नेकपा (एकीकृत समाजवादी) जगतबहादुर हमाल, राप्रपाका सुर्जे रावत उम्मेदवार छन् ।
चुनावी परिणाम आफ्नो पोल्टामा पार्न दलहरुले केन्द्रीय नेताहरुलाई निर्वाचन क्षेत्रमा दौडाएका छन् । पार्टीभित्र भएका गुट उपगुट पनि अहिले मिलेर गएका छन् । २०७९ सालको निर्वाचनमा कांग्रेसका लछुमन गुरुङ २ हजार ९७९ मत पाएर निर्वाचित भएका माघमा हृदयघातका कारणले मृत्यु भएपछि निर्वाचन हुदैछ ।
